Putin “zbret” në terren, u jep direktiva gjeneralëve për luftën

Evropë

Putin “zbret” në terren, u jep direktiva gjeneralëve për luftën

Më: 23 shtator 2022 Në ora: 00:17
Vladimir Putin

Presidenti rus Vladimir Putin është duke u dhënë direktiva gjeneralëve në terren, raporton CNN.

Sipas dy burimeve të njohura me inteligjencën amerikane dhe perëndimore që folën për CNN, urdhrat e drejtpërdrejta nga Putin për gjeneralët “lënë të kuptohet për strukturën jofunksionale të komandës” që ka prekur forcat ruse në fushën e betejës.

Burime të tjera që janë të njohur me inteligjencën amerikane i thanë CNN se ka mosmarrëveshje të rëndësishme mbi strategjinë me liderët ushtarakë që luftojnë për të rënë dakord se ku t’i përqendrojnë përpjekjet e tyre në Ukrainë.

Për më tepër, një zyrtar i lartë i NATO-s i tha medias amerikane se zyrtarët e lartë në Moskë po luftojnë për të fajësuar për pengesat e Rusisë në luftë.

“Zyrtarët e Kremlinit dhe ekspertët e medias shtetërore kanë diskutuar me zjarr arsyet e dështimit në Kharkiv dhe në mënyrë tipike, Kremlini duket se po përpiqet të largojë fajin nga Putini dhe te ushtria ruse”, tha zyrtari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat