“Thirrëm njerëz që nuk duhej”, Putin pranon gabimet në mobilizim

Evropë

“Thirrëm njerëz që nuk duhej”, Putin pranon gabimet në mobilizim

Më: 5 tetor 2022 Në ora: 20:16
Vladimir Putin

Presidenti rus, Vladimir Putin, pranoi gabimet në mobilizimin e pjesshëm dhe njoftoi se kishte firmosur një dekret për korrigjimin e tyre.

Duke folur në një takim me mësuesit, ai tha se do të anulonte rekrutimin për kategori të tjera studentësh, përfshirë ata të regjistruar në universitete private të akredituar.

“Ministria e Mbrojtjes ka raportuar se një sërë kategorish të qytetarëve tanë nuk kanë nevojë të përfshihen si pjesë e përpjekjes për mobilizim dhe i ka renditur ato. Megjithatë, ndryshimet përkatëse në kuadrin ligjor nuk janë bërë në kohë.

Draft dekreti që është dorëzuar nga Ministria e Mbrojtjes dhe qeveria dolën në një mënyrë që nuk përfaqësonte këndvështrimin e vetë Ministrisë së Mbrojtjes, kështu që ne duhet të bëjmë rregullime në këtë dokument në përputhje me rrethanat. Unë kam nxjerrë një dekret sot, tashmë është nënshkruar, që bën pikërisht këto rregullime”, tha Putin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat