Fëmija 13-muajsh gëlltit kanabis, shpëton mrekullisht nga mbidoza

Evropë

Fëmija 13-muajsh gëlltit kanabis, shpëton mrekullisht nga mbidoza

Më: 28 nëntor 2022 Në ora: 14:23
Foto ilustrim

Një fëmijë 13-muajsh ka përfunduar në spital pasi kishte gëlltitur kanabis. Ngjarja ka ndodhur në Palermo të Italisë ndërsa bëhet e ditur se vogëlushi është tashmë jashtë rrezikut për jetën.

Pas kontrolleve të tjera mjekësore dhe pas kryerjes së një skaneri, mjekët vunë re edhe një frakturë në kafkën e fëmijës.

Personeli shëndetësor ka kontaktuar më pas policinë dhe prokurorinë për të mitur. Autoritetet kanë kryer kontrolle në shtëpinë e prindërve të fëmijës, të cilët e kanë mohuar që droga të ketë qenë në banesën e tyre.

E vetmja e sigurt është se i vogli ka rezultuar pozitiv për konsumim kanabisi dhe tashmë është i shtruar në spitalin e fëmijëve për vëzhgim. Shkaqet e frakturës së kafkës së gjetur pas skanimit CT gjithashtu duhet të vërtetohen. Gjendja e foshnjës është dukshëm duke u përmirësuar. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat