Vritet në Suedi kritiku i mirënjohur i liderit çeçen Ramzan Kadyrov

Evropë

Vritet në Suedi kritiku i mirënjohur i liderit çeçen Ramzan Kadyrov

Më: 5 dhjetor 2022 Në ora: 14:37
Tumso Abdurahmanov

Kritiku i njohur i liderit çeçen Ramzan Kadyrov u vra në Suedi, raportoi RFE.

Kolegët e blogerit çeçen Tumso Abdurahmanov i thanë shërbimit rus të Radios Evropa e Lirë se ai u vra gjatë natës së 1-2 dhjetorit, duke konfirmuar raportet e mëparshme për vrasjen e tij.

Autoritetet suedeze nuk kanë dhënë asnjë informacion për këtë çështje.

Kanali Telegram i opozitës çeçene, 1ADAT, konfirmoi gjithashtu më 5 dhjetor se Aburahmanov ishte vrarë dhe se vëllai i tij Muhamad Abdurahmanov ishte nën mbrojtjen e forcave suedeze të sigurisë.

Një raport se Abdurahmanov (36) është vrarë u shfaq në rrjetet sociale më 1 dhjetor, por nuk mund të konfirmohej.

Realitetet Kaukaziane të Radios Evropa e Lirë dhe grupet opozitare çeçene raportuan se nuk ishin në gjendje të kontaktonin blogerin dhe se përfaqësuesit e tij thanë se nuk kishin qenë në kontakt me të apo me vëllain e tij.

Zyrtarët suedezë i thanë Radios Evropa e Lirë më 2 dhjetor se nuk kishin informacion për vendndodhjen e Abdurahmanov.

Në janar të vitit 2021, shtetasve rusë nga Çeçenia iu dhanë burgime të gjata në Suedi pasi u dënuan për tentativën e vrasjes së Abdurahmanov në shkurt 2020.

Njëri prej tyre, Ruslan Mamayev, dëshmoi se ai vepronte në emër të autoriteteve çeçene, të cilët i premtuan se do t’i paguanin 50,000 euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat