Numri i të vdekurve nga tërmeti shkatërrues që goditi Turqinë dhe Sirinë është rritur në të paktën 7726.
Në një përditësim të martën, nënpresidenti turk Fuat Oktay tha se të paktën 5,894 njerëz kanë vdekur dhe 34,810 të plagosur në Turqi.
Në Siri, janë raportuar të paktën 1,832 vdekje dhe 3,849 të plagosur.
Të paktën 16,139 ekipe janë duke punuar në përpjekjet e kërkimit dhe shpëtimit, me ekipe të tjera ndërkombëtare që do të shtohen, tha Oktay.
Më herët gjatë ditës, Erdogani shpalli gjendjen e jashtëzakonshme për tre muaj në 10 qytetet më të prekura nga tërmeti i fuqishëm.
Shkon në mbi 7.200 numri i viktimave nga tërmeti që goditi Turqinë dhe Sirinë
Numri i viktimave të tërmetit që goditi Turqinë dhe Sirinë është rritur sërish. Numri i përgjithshëm i tyre ka shkuar në 7.266.
Këto shifra vijnë në kohën kur ministri turk i Shëndetësisë, konfirmoi për 5.434 persona të vdekur në Turqi.
Në anën tjetër, në Siri kanë humbur jetën 812 persona në zonat që kontrollohen nga qeveria siriane, kurse vlerësohet se 1.020 tjerë mund të kenë vdekur në zonat që kontrollohen nga rebelët.
Ndryshe ekipet e kërkim-shpëtimit janë duke vazhduar punën në terren, ku me çdo kusht po tentojnë të shpëtojnë personat që kanë ngecur nën rrënojat e ndërtesave të shembura.
Për t’ia lehtësuar paksa punën, autoriteteve dhe popullit turk i kanë dalë në ndihmë ekipe të shumta të shpëtimtarëve nga pothuajse e tërë bota.
Më shumë se 6300 të vrarë; Qyteti sirian bombardohet ‘menjëherë pas tërmetit’
Qeveria siriane bombardoi një zonë të vendit të kontrolluar nga opozita menjëherë pas tërmetit, sipas qeverisë së Mbretërisë së Bashkuar.
Presidenti Bashar al-Assad nisi një "sulm vërtet të pamëshirshëm dhe të urryer" në Marea, një qytet në Sirinë veriperëndimore të prekur nga tërmeti, tha deputetja Alicia Kearns, e cila kryeson Komitetin e Punëve të Jashtme.
Sekretari i Jashtëm James Cleverly kritikoi regjimin e Asadit për "bombardimin plotësisht të papranueshëm". Z. Cleverly tha: "[Zonja Kearns] ka absolutisht të drejtë kur theksoi bombardimet plotësisht të papranueshme të zonave menjëherë pas kësaj fatkeqësie natyrore.
“Fatkeqësisht, kjo flet për një model sjelljeje të gjatë nga regjimi i Asadit, një regjim që ne e dënojmë, e kemi sanksionuar dhe do të vazhdojmë të sjellë sanksione - duke punuar me miqtë dhe partnerët tanë ndërkombëtarë - për të provuar dhe parandaluar shfaqjen e sjelljeve të tilla. .
" Pjesa më e madhe e Sirisë është shkatërruar nga vitet e luftës civile dhe kontrolli i kontestuar i territoreve pranë kufirit me Turqinë.
Video drithëruese që të thyejnë zemrën/ Pamjet e një vajze nën rrënoja, në duar mban një fëmijë të vogël
Pamje të dhimshme vijnë nga zonat e dëmtuara nga tërmeti shkatërrimtar që goditi mëngjesin e djeshëm Turqinë.
Ekipet e shpëtimit po vijojnë punën për të nxjerrë personat e bllokuar nga rrënojat.
Në një video të publikuar në rrjetet sociale shfaqet një vajzë nën rrënoja që qan dhe lutet për ndihmë, ndërsa në krah mban një bebe të vogël.
“Nuk po duroj dot më. Pse nuk po vijnë”, dëgjohet teksa shprehet vajza, ndërkohë që disa persona tentojnë ta ndihmojnë dhe e pyesin se si është foshnja.
Emocionuese, të gjithë në lot! Nxirret i gjallë pas 29 orësh nga rrënojat fëmija 2 muajsh
Një luftarak që në nisje të jetës.
E tillë është historia e një foshnje 2-muajshe, e cila është nxjerr e gjallë 29 orë nga rrënojat që la pas tërmeti në Turqi.
Video ka bërë xhiron e rrjetit, ndërsa përlot të madh e të vogël.
Në pamje shihet ekipi i shpëtimit, që merr foshnjën dhe e fut në një ambulancë, ndërsa një prej tyre e fut bebin në xhupin e tij dhe më pas e mbulojnë me batanije.
UNICEF: Mijëra fëmijë mund të jenë vrarë nga tërmetet në Turqi dhe Siri
Agjencia për fëmijë e Kombeve të Bashkuara (UNICEF) tha se tërmetet dhe goditjet pasuese, që shkatërruan mijëra ndërtesa në Turqi dhe Siri, mund të kenë vrarë mijëra fëmijë.
“Tërmetet që goditën jugun e Turqisë dhe veriun e Sirisë mëngjesin e ditës së djeshme, mund të kenë vrarë mijëra fëmijë”, tha zëdhënësi i UNICEF-it, James Elder.
Ai shtoi se kjo agjenci e OKB-së nuk ka mundur të saktësojë numrin e fëmijëve të vrarë.
Në orët e para të mëngjesit të 6 shkurtit, Turqia dhe Siria u goditën nga një tërmet prej 7.8 ballësh. Më vonë gjatë të hënës, edhe një tërmet i fuqishëm prej 7.5 shkallësh të Rihterit goditi Turqinë.
Dy tërmetet e fuqishme, dhe qindra goditje të tjera pasuese, shkaktuan mbi 5.000 viktima në dy shtetet. Po ashtu, mijëra persona konsiderohen të zhdukur, pas shembjes së shumë ndërtesave.
Operacionet e kërkim-shpëtimit po vazhdojnë, përderisa dhjetëra vende në mbarë botën kanë ofruar ndihmë për të gjetur të mbijetuar të tjerë.
Ndodh mrekullia pas 22 orësh në Turqi
Dje në orët e para të mëngjesit Turqia u godit nga një tërmet i tmerrshëm me magnitudë 7.8 gradë të shkallës Rihter dhe vetëm një orë më pas pasoi një tjetër tronditje prej 6.7.
Shkatërrime të mëdha u shkaktuan edhe në Sirinë fqinje, ku më së shumti pësoi qyteti Al Bab.
Lëkundjet e tokës janë ndjerë edhe në pjesë të tjera të Turqisë, në Gjeorgji, Armeni, Qipro dhe ka vazhduar të lëkundet edhe sot.
Gjithnjë e më shumë po shtohen videot e personave që ekipet e shpëtimit arritën të nxjerrin nga nën rrënoja.
Në mesin e tyre është edhe një djalosh tre vjeçar, i cili për 22 orë ka mbetur nën rrënojat e një pallati në Malati.
Gazetari i TRT-së, Hakan Kopur, ka shpërndarë pamjet në Twitter duke e cilësuar si një mrekulli.
Sipas njoftimit, Malatya ishte një nga epiqendrat e tërmetit shkatërrues të djeshëm në Turqi. Të paktën mbi 5000 të vdekur janë konfirmuar nga tërmeti i fuqishëm me magnitudë 7.8 që goditi Turqinë dhe Sirinë herët në mëngjes të së hënës.
Më shumë se 7,800 njerëz janë shpëtuar deri më tani në 10 provincat turke të goditura nga tërmeti, tha Orhan Tatar, një zyrtar i Agjencisë së Menaxhimit të Fatkeqësive.
A miracle after 22 hours!
A 3-year-old baby was just rescued from the rubble in Malatya, one of the epicenters of #Turkiye earthquake.
Mbi 5 mijë të vdekur nga tërmeti në Turqi dhe Siri
Të paktën 5,034 vdekje janë konfirmuar tani në Turqi dhe Siri pas tërmetit të djeshëm me magnitudë 7.8 ballë të shkallës Rihter.
Numri i të vdekurve në Turqi është rritur në të paktën 3,432, ka bërë të ditur të martën Qendra e Koordinimit të Fatkeqësive të Turqisë (AKOM).
Vdekjet janë raportuar në provincat Kahramanmaraş, Gaziantep, Şanlıurfa, Diyarbakır, Adana, Adıyaman, Osmaniye, Hatay, Kilis dhe Malatya, ka informuar AKOM, duke shtuar se të paktën 21,103 persona janë raportuar të lënduar.
Sipas AKOM, pothuajse 26,000 personele kërkimi dhe shpëtimi janë përfshirë në operacione, së bashku me 360 automjete dhe 3,361 pajisje, duke përfshirë më shumë se 600 vinça.
Në Siri , numri i të vdekurve është rritur në 1,602 në zonat e kontrolluara nga qeveria dhe zonat e kontrolluara nga opozita, kanë thënë zyrtarët. Të paktën 3,649 persona janë raportuar të plagosur në të gjithë vendin, sipas zyrtarëve.
Vazhdojnë përpjekjet për shpëtim pas tërmeteve në Turqi dhe Siri
Në Turqi dhe Siri po vazhdojnë përpjekjet për të shpëtuar personat që besohet se kanë mbetur nën rrënojat e mijëra ndërtesave të shkatërruara nga tërmetet e fuqishme që goditën këto dy shtete.
Mbi 5.000 persona raportohet se kanë vdekur, pasi një tërmet prej 7.8 ballësh goditi në orët e para të mëngjesit të 6 shkurtit. Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.
Po ashtu, gjatë po asaj dite, u regjistrua një tërmet tjetër i fuqishëm prej 7.5 shkallësh të Rihterit.
Agjencia për Fatkeqësi në Turqi tha se numri i viktimave nga tërmetet është rritur në 3.419. Orhan Tatar, zyrtar në Autoritetin për Menaxhimin e Fatkeqësive dhe Emergjencave tha se 20.426 persona të tjerë janë plagosur dhe 5.775 ndërtesa kanë kolapsuar.
Në Siri, në zonat e kontrolluara nga Qeveria, janë raportuar 812 persona të vdekur, tha agjencia shtetërore e lajmeve SANA.
Kjo agjenci tha se 1.449 persona janë plagosur në provincat Alepo, Lakatia, Hama, Idlib dhe Tartus.
Në pjesën veriperëndimore të shtetit, që kontrollohet nga rebelët, më herët u raportua se janë vrarë 450 persona dhe qindra të plagosur.
Qeveria turke tha se mbi 13 milionë persona brenda vendit janë prekur nga tërmetet e fuqishme.
“Ky tërmet ka prekur drejtpërdrejtë 13.5 milionë qytetarë tanë”, tha ministri i Urbanizmit, Murat Kurum.
Disa nga rrugët ende nuk janë të qasshme dhe ekipet po punojnë që ato të hapen për qarkullim. Ai tha se disa rajone kanë mbetur pa ujë.
“Dhimbja është e papërshkrueshme”, tha ai, duke shtuar se çdo orë është e çmuar.
Ndërkaq, shtetet në mbarë botën kanë thënë se do të dërgojnë ekipe për të ndihmuar në operacionet e shpëtimit, por deri më tani vetëm pak ekipe kanë arritur në vendngjarje.
Operacionet e kërkim-shpëtimit janë penguar nga temperaturat e ftohta dhe nga afër 200 dridhje pasuese të tokës, që kanë bërë të rrezikshme kërkimet në strukturat e paqëndrueshme.
Në provincën Hajat, zyrtarët thanë se 1.500 ndërtesa janë shkatërruar dhe shumë persona raportohet se kanë mbetur të ngujuar nën rrënoja, pa ndihmë dhe pa ekipe të kërkim-shpëtimit.
Në këtë provincë, mijëra persona janë strehuar në qendra të sportit apo në dyqane të mëdha ushqimore, ndërsa të tjerët janë detyruar që ta kalojnë natën jashtë.
Tërmeti, që kishte epiqendrën në provincën turke Kahramanmarash, ka detyruar që banorët e Damaskut dhe Bejrutit të kalojnë natën nëpër rrugë, përderisa dridhjet e tokës janë ndierë deri në Kajro.
Presidenti i Turqisë, Recep Tayyip Erdogan, ka shpallur shtatë ditë zie kombëtare.
Qeveritë nga e mbarë bota kanë ofruar ndihmë për Turqinë dhe Sirinë pas tërmeteve të fuqishme. I fundit ishte presidenti i Koresë së Jugut, Yoon Suk Yeol, i cili tha se ishte i gatshëm të dërgonte një ekip të kërkim-shpëtimit prej 60 personat si dhe furnizime mjekësore.
Qeveria pakistaneze ka dërguar një avion me pajisje të ndihmës dhe me një ekip të shpëtimit prej 50 anëtarësh. Ky shtet tha se do të organizojë fluturime ditore për në Siri dhe Turqi duke nisur nga 8 shkurti.
India tha se do të dërgojë dy ekipe të kërkimit dhe shpëtimit, përfshirë edhe qen të trajnuar dhe personel mjekësor.
Presidenti i Shteteve të Bashkuara, Joe Biden, bisedoi me Erdoganin dhe i ofroi ndihmë. Shtëpia e Bardhë tha se Uashingtoni do të dërgojë një ekip të kërkim-shpëtimit për t’i ndihmuar Turqisë në përpjekjet e saj.
BE-ja do të dislokojë mbi 1.000 shpëtimtarë në Turqi
Njëzet e shtatë ekipe të kërkim-shpëtimit janë mobilizuar për të kërkuar për të mbijetuar në Turqi, tha komisionari evropian për Kriza, Janez Lenarçiq.
“Solidariteti i BE-së është në nivelin më të mirë”, shkroi ai në Twitter.
Njësitë janë nga 19 shtete evropiane, përfshirë edhe dy shtete që nuk janë pjesë e BE-së, Shqipëria dhe Mali i Zi.
Në total, në Turqi do të dërgohen 1.150 shpëtimtarë dhe 70 qen.
Dislokimi i tyre është i koordinuar në bazë të Mekanizmit për Mbrojtje Civile të BE-së. Përmes këtij mekanizmi, shtetet mund të bëjnë kërkesë për asistencë emergjente nga BE-ja dhe shtetet që marrin pjesë në këtë mekanizëm.
Më 6 janar, Turqia u godit nga dy tërmete të fuqishme, prej mbi 7 ballësh. Nga tërmetet e fuqishme, në Turqi dhe Siri janë vrarë mbi 5.000 persona dhe janë zhdukur mijëra të tjerë.
