LIVE: Lajmi ‘shkatërrues’ për Ukrainën, ‘shpërthen’ keq Zelensky – këto janë fjalët e tij

Sulmet raktore ruse lanë të vdekur 2 civilë ukrainas, mes tyre një foshnjë 5-muajshe në rajonin lindor të Ukrainës Donetsk gjatë 24 orëve të fundit.

Lajmi është bërë i ditur nga kreu i administratës ushtarake të rajonit, Pavlo Kyrylenko, në një postim në Telegram të shtunën.

Po ashtu bëhet me dije se mbeti i plagosur një tjetër civil në qytetin e Druzhkivka. Granatimet dëmtuan dy ndërtesa banimi, një shkollë dhe një bankë. Qytetet Vuhledar dhe Novoukrainka gjithashtu u vunë nën zjarrin e armikut, tha Kyrylenko.

Avdiivka është vënë nën zjarr pothuajse të pandërprerë , me deri në 14 raketa që godasin qytetin çdo ditë, sipas zyrtarëve ukrainas.

“Dikush vdes çdo ditë,” tha të martën policia e rajonit të Donetsk, e cila po ndihmon me evakuimet.

Motra e liderit të Koresë së Veriut, Kim Jong Un, ka akuzuar Ukrainën se po kërkon armë bërthamore.

Në një deklaratë, Kim Yo Jong përmendi një raport për armë bërthamore që ka marrë deri më tani 600 firma, duke thënë se ishte një komplot politik nga zyra e Volodymyr Zelensky.

Motra e Kim, vetë një zyrtare e lartë e Koresë së Veriut, nuk dha asnjë provë për deklaratën, duket se bazohet vetëm në një peticion publik në faqen e internetit të zyrës presidenciale të Ukrainës të enjten.

Peticioni pasoi një njoftim nga presidenti rus, Vladimir Putin, se Rusia planifikon të vendosë armë taktike bërthamore në Bjellorusinë fqinje. Koreja e Veriut ka krijuar lidhje më të ngushta me Kremlinin dhe ka mbështetur aneksimin e shpallur nga Moska.

Ukraina hoqi dorë nga armët e saj bërthamore në vitet 1990, pas rënies së Bashkimit Sovjetik. Në këmbim, fuqitë botërore, përfshirë Rusinë, premtuan se nuk do të cenonin sigurinë e saj.

Një këshilltar për politikën e jashtme të zëvendëskryeministrit ukrainas tha se ky ishte “një gabim” në mars të vitit të kaluar, duke sugjeruar se Rusia nuk do të kishte pushtuar kurrë nëse Ukraina do të kishte mbajtur armët e saj bërthamore.

Ministria e Mbrojtjes së Britanisë së Madhe thotë se shefi i Shtabit të Përgjithshëm të forcave të armatosura ruse kishte dështuar të realizonte një ofensivë të gjerë në Ukrainë gjatë dimrit, me synimin për të shtrirë kontrollin e Moskës në të gjithë rajonin e Donbasit.

Sipas raportit, zoti Gerasimov u emërua komandanti i forcave ruse në Ukrainë për të udhëhequr atë që Moska e quan operacion special ushtarak. Por 80 ditë pas marrjes së detyrës është e qartë se projekti i tij ka dështuar. Sipas raportit të ministrisë britanike, Kremlini ka shënuar përparime të vogla në terren, por njëkohësisht ka humbur dhjetëra mijëra ushtarë.

Shefja e OKB-së për çështjet e çarmatimit paralajmëroi të premten se rreziku i përdorimit të një arme bërthamore tani është më i lartë se në çdo kohë që nga Lufta e Ftohtë.

“Lufta në Ukrainë përfaqëson shembullin më të fortë të këtij rreziku”, tha përfaqësuesja e lartë e OKB-së për çështjet e çarmatimit, Izumi Nakamitsu.

Deklaratat e zonjës Nakamitsu në takimin e Këshillit të Sigurimit erdhën pas njoftimit javën e klaluar nga Presidenti Vladimir Putin, për arritjen e marrëveshjes për të dislokuar armë bërthamore taktike në Bjellorusi.

Bjellorusia është fqinje dhe aleate e Rusisë në agresionin ndaj Ukrainës.

Zonja Nakamitsu tha se mungesa e dialogut dhe reduktimi i marrëveshjeve të çarmatimit dhe kontrollit të armëve, të ndërthurura me retorikën e rrezikshme dhe kërcënimet jo të drejtpërdrejta, mund të çonin në përshkallëzim të rrezikut nga armët bërthamore.

Zonja Nakamitsu u bëri thirrje veçanërisht Rusisë dhe Shteteve të Bashkuara që të kthehen tek zbatimi i plotë i traktatit të kontrollit të armëve midis dy fuqive.

Rusia tha muajin e kaluar tha se nuk do ta zbatonte më traktatin dhe njoftoi këtë javë se nuk do të ndante më informacione lidhur me armët e saj bërthamore, që zakonisht bëhet dy herë në vit.

Ndërkohë, të premten, Presidenti bjellorus Aleksander Lukashenko kërcënoi se vendi i tij mund të pranojë edhe vendsosjen e raketave bërthamore ndërkontinentale, përveç armëve bërthamore taktike që Rusia ka vendosur të dislokojë në Bjellorusi. Raketat balistike bërthamore të vendosura në territorin bjellorus mund të shkatërrojnë qytetet të tëra në një distancë shumë të largët./VOA/

Presidenti i Ukrainës, Volodymyr Zelensky ka zhvilluar një bisedë telefonike me homologun fracez, Emmanuel Macron. Kjo bisedë është zhvilluar pasi Macron ka njoftuar se do të takohet së shpejti me homologun e Kinës, Xi Jinping.

Nëpërmjet një postimi në Telegram, Zelesnky ka shkruar:

Diskutuam në mënyrë efektive ndërveprimin e mbrojtjes midis Ukrainës dhe Francës. Kam dhënë informacion të detajuar mbi situatën në front. Ne u fokusuam në hapat e mëtejshëm për zbatimin e formulës së paqes. Ne koordinuam veprimet për ngjarjet e ardhshme ndërkombëtare.

Franca është një nga vendet aleate të Ukrainës dhe ka treguar mbështetjen e saj duke e ndihmuar financiarisht dhe ushtarakisht Kievin nda pushtimit rus.

Ministri rus i Mbrojtjes, Sergei Shoigu deklaroi ditën e sotme se Rusia ka shtuar numrin e armeve, por pa dhënë numra specifikë.

“Hapat për të zgjeruar kapacitetet e prodhimit dhe për të përmirësuar produktivitetin kanë bërë të mundur rritjen e konsiderueshme të prodhimit të armëve, duke përfshirë ato konvencionale dhe me precizion të lartë,” deklaroi Shoigu gjatë një takimi mbi furnizimet me armë me Grupin e Përbashkët të Forcave.

Më tej ai tha se kjo do të mundësojë qëllimet e Rusisë për të përdorur eufemizmin për pushtimin e plotë të Ukrainës, si dhe janë duke u marrë masat e nevojshme për të rritur municionin më të kërkuar të armëve luftarake.

Muajin që lamë pas, presidenti rus, Vladimir Putin njoftoi për vendosjen e armëve bërthamore në Bjellorusi.

Presidenti ukrainas Volodymyr Zelensky ka kritikuar presidencën ruse të Këshillit të Sigurimit të Kombeve të Bashkuara, e cila hyri në fuqi sot.

“Këto lajme janë shkatërruese dhe absurde për ne. Sot, shteti terrorist filloi të kryesojë Këshillin e Sigurimit të OKB-së. Dje, ushtria ruse vrau një fëmijë tjetër ukrainas, një djalë pesë muajsh të quajtur Danylo nga Avdiivka, në Donbas. Prindërit e tij u plagosën”, tha Zelensky.

Zelensky tha se raste të tilla “dëshmojnë falimentimin e plotë” të institucioneve globale dhe ai argumentoi se reforma është “qartësisht e vonuar” për Këshillin e Sigurimit.

Presidenca e Këshillit të Sigurimit mbahet nga secili anëtar me radhë për një muaj, sipas renditjes alfabetike angleze të emrave të shteteve anëtare. Është radha e Rusisë në rend, kështu që ajo po merr këtë pozicion pushteti pavarësisht se po përballet me kritika të ashpra  nga shumë prej anëtarëve të aleancës për pushtimin e saj në Ukrainë.

Këshilli kërkon konsensus për të miratuar shumicën e vendimeve, pavarësisht se cili vend është në krye të mbledhjeve të tij. Ndërsa liderët e Ukrainës kanë dënuar simbolikën e presidencës ruse, ata kanë minimizuar aftësinë e Moskës për të përkulur grupin sipas vullnetit të saj. Mund të lexoni më shumë se si funksionon këshilli këtu.

Shtetet e Bashkuara të Amerikës kanë thënë se nuk ka asnjë mundësi që ushtria ruse të largohet nga territori i Ukrainës të paktën deri në fund të këtij viti.

“Ukraina nuk ka mundësi të largojë të gjitha forcat ruse nga territori i saj këtë vit. Nuk mendoj se kjo mund të ndodhë në një afat kohor të shkurtër. Kjo është një detyrë shumë-shumë e vështirë ushtarake. Bëhet fjalë për rreth 200 mijë rusë që ndodhen ende në Ukrainën e pushtuar”, është shprehur gjenerali i ushtrisë amerikane, Mark Milley dhe shefi i Pentagonit në një intervistë për “Defense One”.

Ndërkohë, Milley shtoi se Rusia ka dështuar nga pikëpamja strategjike dhe operacionale dhe tani është duke dështuar edhe nga pikëpamja taktike.

Ndërsa në terren bombardimet vijojnë. Kievi zyrtar ka raportuar se të paktën 3 civilë kanë mbetur të vdekur vetëm gjatë orëve të fundit në Kherson, i cili është sulmuar të paktën në 5 raste vetëm ditën e premte.

Yevgeny Prigozhin, lideri i formacionit famëkeq paraushtarak rus, Wagner, me sa duket nuk i fsheh më ambiciet politike dhe dëshirën për t’u ulur në “fronin” që e mban prej vitesh Vladimir Putin.

Pasi thirri hapur lidershipin ushtarak të këtij vendi dhe mënyrën e tyre për të bërë luftë në Ukrainë, ai shkoi një hap më tej dhe në një intervistë pompoze për një media pro-ruse imitoi Putinin, gjë që sipas analistëve është provë e mjaftueshme se ai është gati t’i bashkohet atij në luftën për pushtet në zgjedhjet e ardhshme presidenciale të vitit 2024.

Përkatësisht, gjatë intervistës, Prigozhin imiton mënyrën se si Putini filmon daljet publike, duke përfshirë “koreografinë”.

Analistët besojnë se kjo performancë mund të tregojë dy gjëra – se Prigozhin dëshironte të tallej me Putinin dhe të vazhdonte sulmet ndaj Kremlinit ose donte të shprehë me delikatesë ambiciet politike.

Ajo që ra në sy të analistëve është se Prigozhin shfaqej para një audience – ashtu si Putini kur mban takime apo pozon për fotografët, raporton newsweek.

Instituti Amerikan për Studimin e Luftës deklaroi se ky “stil filmimi” është i pazakontë për Prigozhin, sepse ai nuk shfrytëzon këso pamjesh për shfaqjet në publik.

Një pikë tjetër që tregon se Prigozhin do të ishte rehat me ndryshimin e qeverisë ruse është konflikti i tij me levën e fuqishme të udhëheqjes shtetërore – Ministrin e Mbrojtjes, Sergey Shoigu.

“Kuzhinieri i Putinit” e drejtoi publikisht gishtin disa herë drejt ministrit të Mbrojtjes për shkak të rezultateve të dobëta të ushtrisë ruse, e cila u detyrua të tërhiqej nga ofensiva ukrainase në fund të gushtit dhe në fillim të shtatorit prej Khersonit. Por edhe në lindje, ku deri në atë momente, Moska kontrollonte pothuajse 100 për qind të Luhanskut dhe pjesën më të madhe të Donetskut, duke përfshirë portin kyç të Mariupolit.

Gjithashtu, njeriu i parë i grupit mercenarë Wagner pretendon se Shoigu dhe ministria e tij nuk siguruan armë dhe furnizime të mjaftueshme për trupat në vijën e frontit në Bakhmut.

Ukraina do të përpiqet të ndajë trupat ruse në dy pjesë në kundërsulmin e saj të pritshëm pranveror, sipas analistëve ushtarakë.

Ata do të përpiqen të çajnë korridorin tokësor midis Rusisë dhe gadishullit të Krimesë, duke lëvizur nga Zaporizhzhia në Melitopol dhe Detin Azov, tha Oleh Zhdanov, ish-oficer i kontrollit operacional i shtabit të përgjithshëm të forcave të armatosura të Ukrainës.

Kjo do të "ndante trupat ruse në dy gjysma dhe do të ndërpriste linjat e furnizimit për njësitë që ndodhen më në perëndim, në drejtim të Krimesë", tha Zhdanov.

Ukraina do të ndihmohet nga një fluks i armëve të fuqishme perëndimore, duke përfshirë tanke gjermane dhe britanike, obus dhe një milion fishekë municionesh.

"Numri i madh i tankeve mund të futë një pykë më të thellë në pozicionet ruse," tha James Nixey, drejtor i programit Rusia dhe Euroazia në Chatham House, një institut kërkimi në Londër.

Por aksionet janë të larta, me aleatët që presin përparim në fushën e betejës në këmbim të pajisjeve të tyre të shtrenjta.

Humbja për Ukrainën do të "kishte pasoja globale dhe nuk do të ketë gjë të tillë si siguria evropiane siç e kuptojmë ne (aktualisht)", tha Nixey.

Instituti për Studimin e Luftës beson se Ukraina ka të ngjarë të ketë nevojë të ndërmarrë një seri ofensivash, me qëllime të dyfishta.

Ose, "të bindet Putini të pranojë një kompromis të negociuar" ose "krijimi i realiteteve ushtarake mjaft të favorshme për Ukrainën që Kievi dhe aleatët e tij perëndimorë mund të ngrijnë më pas konfliktin vetë, pavarësisht nga vendimet e Putinit", tha instituti i ekspertëve.

Kina nuk është në gjendje të ndërmjetësojë midis Ukrainës dhe Rusisë, sepse "nuk bën dallim midis agresorit dhe viktimës", tha kryediplomati i Bashkimit Evropian.

Por, Josep Borrell tha se Kina duhet të përdorë ndikimin e saj mbi Rusinë për të bërë presion për paqe, raporton Sky News, përcjell Bota sot.

Komentet e tij pasojnë thirrjet e bëra nga kryeministri spanjoll për presidentin Xi Jinping që të pranojë ftesën e Volodymyr Zelenksyt në Kiev dhe të angazhohet në bisedime mbi planin e paqes të liderit ukrainas.

Borrell i tha një paneli në Madrid se plani i Zelenskyt ishte i vetmi në tryezë. Ai do të shohë Ukrainën të rikthehet në kufijtë e saj të para vitit 2014, përpara se Rusia të aneksonte Krimenë.

Pekini paraqiti planin e tij të paqes muajin e kaluar dhe bëri thirrje për një armëpushim, por SHBA e sheh çdo armëpushim si një mundësi për Rusinë që të rigrupojë trupat e saj.