Në fshatin Hoptivka të rajonit të Kharkiv në Ukrainë, një grua ka vdekur pasi mori në dorë një dron rus i cili shpërtheu.
Kështu ka njoftuar në Telegram nga Shefi i Administratës Ushtarake të Qytetit Derhachi, Viacheslav Zadorenko.
Bëhet e ditur se ngjarja ka ndodhur rreth orës 09:00 të mëngjesit të sotëm.
“Një grua 80-vjeçare, duke shpërfillur jetën dhe sigurinë e saj, mori në dorë një dron rus, i cili shpërtheu në duart e saj. Qytetarja pësoi lëndime fatale dhe vdiq në vendngjarje”, thuhet në deklaratë.
Zadorenko theksoi se në asnjë rrethanë nuk duhet të preken objektet e dyshimta; në vend të kësaj, publiku duhet t'i raportojë menjëherë ato duke telefonuar në numrat 112, 101 ose 102.
Siç raportohet nga Ukrinform, në fshatin Cherkaski Tychky në rajonin e Kharkiv, forcat ruse goditën një automjet të shërbimit të gazit me një dron FPV.
