Presidenti francez Emmanuel Macron paralajmëron për "një zhvendosje drejt një bote pa rregulla", ndërsa Donald Trump dyfishon kërkesat e tij për të zotëruar Groenlandën.
Duke iu drejtuar udhëheqësve botërorë në Davos, Macron e quan "akumulimin e pafund të tarifave të reja" nga SHBA-ja "thelbësisht të papranueshme", shkruan BBC, transmeton KosovaPress.
Kjo vjen pasi Donald Trump njoftoi tarifa të reja për vendet që kundërshtuan planin e tij për Groenlandën.
Më parë, Trump tha se nuk kishte "kthim prapa" në planin e tij, duke pretenduar se "Groenlanda është e domosdoshme për sigurinë kombëtare dhe botërore".
Ndërkohë, Parlamenti Evropian është gati të pezullojë miratimin e një marrëveshjeje tregtare me SHBA-në mes thellimit të debatit mbi Groenlandën.
