NATO ka interceptuar një raketë balistike të lëshuar nga Irani që po drejtohej drejt Turqisë, ka njoftuar zëdhënësja e organizatës Allison Hart.
Raketa u neutralizua nga sistemet e mbrojtjes ajrore dhe raketore të NATO-s në Mesdheun Lindor.
“NATO qëndron e vendosur në gatishmërinë e saj për të mbrojtur të gjithë Aleatët kundër çdo kërcënimi”, shkruan Hart në X, transmeton KosovaPress.
Disa mbeturina kishin rënë në tokë të zbrazët në Gaziantep, pa viktima ose të plagosur, tha Ministria Turke e Mbrojtjes, sipas agjencisë turke të lajmeve Anadolu.
Ministria theksoi se Turqia i kushton “rëndësi marrëdhënieve të fqinjësisë së mirë dhe stabilitetit rajonal” dhe “do të marrë të gjitha masat e nevojshme për të mbrojtur territorin dhe hapësirën ajrore”. Burhanettin Duran, drejtori i Komunikimit i Turqisë, paralajmëroi Iranin dhe të gjitha palët që të shmangin veprimet që mund të rrezikojnë sigurinë rajonale dhe civilët.
