Një person i armatosur hapi zjarr në kryeqytetin e Ukrainës, Kiev, të shtunën, duke vrarë të paktën pesë persona dhe duke plagosur dhjetë të tjerë.
Sulmi ndodhi në një qendër tregtare, brenda ambienteve të një supermarketi. Prokurori i Përgjithshëm, Ruslan Kravchenko, tha se sulmuesi ishte një 58-vjeçar me origjinë nga Moska.
Sulmuesi gjithashtu mori pengje në supermarket para se të vritej gjatë një përpjekjeje për arrestim, thanë zyrtarët.
Ministri i Brendshëm i Ukrainës, Ihor Klymenko, deklaroi më vonë se sulmuesi u vra gjatë përpjekjes për ta arrestuar në Kiev.
Presidenti i Ukrainës, Volodymyr Zelenskyy, ka shprehur ngushëllime për familjet, ndërsa motivi i sulmit nuk dihet ende. Zelensky tha se autoritetet kanë nisur hetime dhe se “të gjitha rrethanat po sqarohen”.
