Një skandal korrupsioni ka ndodhur në Ukrainë.
Agjencia antikorrupsion e Ukrainës ka njoftuar zyrtarisht Andriy Yermak, ish-shefin e stafit të Presidentit Volodymyr Zelensky, se ai është i dyshuar në një rast që ata e kanë hetuar prej kohësh, raporton Reuters.
Edhe pse agjencia nuk e zbuloi emrin e të dyshuarit, siç kërkohet nga ligji ukrainas, disa media në Ukrainë kanë raportuar se ai është Yermak, i cili dha dorëheqjen në nëntor mes një skandali korrupsioni që shkaktoi zemërim publik gjatë luftës.
Yermak, i cili ishte quajtur “kardinali gri” i Ukrainës për shkak të pushtetit dhe ndikimit të tij prapa skenave, dha dorëheqjen më 28 nëntor 2025, disa orë pasi agjentët antikorrupsion bastisën rezidencën e tij.
