Presidenti ukrainas, Volodymyr Zelensky ka akuzuar Rusinë se po përpiqet të “përçajë” Evropën dhe të zvogëlojë mbështetjen për Ukrainën përmes ndërhyrjes së saj të dyshuar me dronë.
Kievi pretendon se Rusia ka përdorur bllokimin elektronik për të devijuar dronët ukrainas në hapësirën ajrore të aleatëve të saj, raporton Sky News.
“Çdo ditë Rusia sjell sfida të reja në këtë lloj fushëbeteje. Ne e dimë se çfarë bëjnë ata dhe si funksionojnë”, tha Zelensky.
Ai propozoi të bëheshin marrëveshje me aleatët e Ukrainës aty ku ka “rreziqe të mundshme”, të cilat do ta shihnin Kievin të ndante ekspertizën e tij në mbrojtjen nga dronët.
