Burime të Policisë bëjnë të ditur se kryesi i sulmeve në Francë ishte një 31 vjeçar, tunizian me shtetësi franceze.
Sipas Policisë, brenda kamionit ishte gjetur një kartë identiteti dhe se sulmuesi ishte banor i Nicës.
Mediat e huaja kanë publikuar disa postime në rrjete sociale, ku përkrahës të grupit terrorist “Shteti Islamik” i janë gëzuar tragjedisë.
Liderët vendor e kanë cilësuar sulmin si terrorist, transmeton KosovaPress.
Të dhënat e fundit tregojnë se numri i viktimave nga sulmi ka arritur në 82, derisa dhjetëra të tjerë vazhdojnë të jenë në gjendje kritike.