Familja e të dyshuarit kryesor për sulmin në Berlin, i ka bërë thirrje atij që të dorëzohet në polici.
Anis Amri, 24-vjeçar nga Tunizia, mbetet ende në arrati, tri ditë pasi e shtypi me kamion turmën e njerëzve në tregun e Krishtlindjeve në Berlin, duke vrarë 12 persona dhe lënduar 49 të tjerë.
Raportohet se përveç ID-s që iu gjet në kabinën e kamionit para një dite, tani janë gjetur edhe shenjat e gishtërinjve të tij në derën e kamionit.
Tani, vëllai i tij, Abdelkader Amri, ka thënë se Anisi më shumë gjasë ishte radikalizuar derisa po e kryente dënimin me burg në Itali, pasi që ishte kapur duke ia vënë flaken një shkolle atje.
“I lutem atij [Anisit] që të dorëzohet në polici. Nëse dëshmohet se ai është i përfshirë në sulm, ne largohemi nga ai,” ka thënë ai për AP.
Ai ka thënë se nëse vëllai i tij është fajtor për sulmin, atëherë ia meriton dënimin.
“Nëse është fajtor, atëherë e meriton çdo ndëshkim. Ne nuk e pranojmë terrorizmin dhe terroristët – ne nuk merremi me terroristë,” ka thënë ai.