Presidenti i Serbisë, Aleksandar Vuçiq, deklaroi sot në Nju-Jork, se presidenti amerikan Donald Trump ka pranuar ftesën e tij që të vizitojë Serbinë.
“Kur ia dorëzova ftesën, në detaje i kam sqaruar pse mendoj se është e rëndësishme që të vizitojë Serbinë. Kam folur për marrëdhëniet e të gjithë qytetarëve në Serbi ndaj tij dhe politikës amerikane, si do ta presin njerëzit në Serbi, pse është kjo e rëndësishme, dhe se vizita e tij do të tregonte se sa serbët e dëshirojnë këtë miqësi”, u ka thënë Vuçiq mediave në Nju-Jork, transmetojnë mediat serbe.
