Të paktën 3,2 milionë persona kanë aplikuar që prej bashkimit të Gjermanisë, gati tre dekada më parë, për të marrë dosjet e tyre personale të ruajtura nga ish-policia sekrete komuniste në ish-Gjermaninë Lindore.
“Ndërkohë që, numri i aplikimeve për kopjet e dosjeve të Sigurimit të Shtetit të RDGJ-së ka gjasa të ulet për një kohë të gjatë , interesi ka qenë më i lartë nga sa pritej fillimisht”, deklaroi Roland Jahn, kreu i zyrës së regjistrimeve.
”Rreth 46.300 persona kanë aplikuar për të marrë dosjet e tyre këtë vit që prej muajit nëntor”, tha Jahn, agjencia e të cilit u krijua pas bashkimit të Gjermanisë në tetor 1990, pas shembjes së Murit të Berlinit në nëntor 1989.
”Gjatë vitit 2016, gjithsej kanë qenë 48.600 aplikues për dosjet e tyre. Dosjet ndihmojnë për të shpjeguar fatet e personave dhe për të dokumentuar shkeljet e të drejtave të njeriut si dhe shërbejnë për procesin e përpunimit të ngjarjeve nga e kaluara”, shtoi Jahn.
