Partitë gjermane shtyejnë bisedimet për koalicion - Bota Sot
Partitë gjermane shtyejnë bisedimet për koalicion

Evropë

E shtunë, 17 nëntor 2018

Partitë gjermane shtyejnë bisedimet për koalicion

Më: 5 shkurt 2018 Në ora: 07:43
Kancelarja gjermane, Angela Merkel, foto nga arkivi

Në Gjermani janë shtyer bisedimet vendimtare për formimin e “koalicionit të madh”, pasi negociatorët kanë dështuar të finalizojnë marrëveshjen gjatë ditës së djeshme.

Konservatorët e kancelares gjermane, Angela Merkel dhe Social Demokratët janë duke negociuar arritjen e një marrëveshjeje për qeverinë gjermane, duke shpresuar se nuk do të nevojitet mbajtja e zgjedhjeve të reja.

Kjo do t’iu mundësonte partive të së djathtës ekstreme të fitojnë rol më të madh në parlament.

Sekretari i Përgjithshëm i Social Demokratëve, Lars Klingbeil, ka thënë se palët janë pajtuar që sot të takohen përsëri.

“Palët janë pajtuar për disa çështje, mirëpo për disa duhet ende diskutim, kryesisht në politikat sociale”, ka thënë lideri i Social Demokratëve, Martin Schulz.

Po ashtu do të diskutohet edhe kujdesi shëndetësor dhe politikat për punëtorët, kanë thënë zyrtarët.

Sot mund të lexoni Shfletoni kopertinat
Sondazh
test