Stoltenberg: Është arritur pak zhvillim për çështjen e paqeruajtësve në Ukrainë

Evropë

Stoltenberg: Është arritur pak zhvillim për çështjen e paqeruajtësve në Ukrainë

Më: 17 shkurt 2018 Në ora: 17:39
Sekretari i Përgjithshëm i NATO-s, Jens Stoltenberg,foto nga arkivi

Sekretari i Përgjithshëm i NATO-s, Jens Stoltenberg, ka thënë se ka parë pak zhvillim në bisedimet rreth një misioni paqeruajtës të OKB-së në lindje të Ukrainës.

Stoltenberg i ka bërë këto komente në një tryezë të rrumbullakët, pas takimeve që ka pasur me ministrin e Jashtëm rus, Sergei Lavrov, në margjina të Konferencës për Siguri në Mynih.

“Vazhdon të duket e pamundshme”, ka thënë Stoltenberg lidhur me propozimin për të krijuar një force paqeruajtëse në kuadër të OKB-së, për t’i dhënë fund luftimeve në mes të separatistëve pro-rusë dhe forcave të Kievit në lindje të Ukrainës.

Diskutimet për këtë propozim janë rritur në shtator të vitit të kaluar, pasi presidenti rus, Vladimir Putin ka propozuar krijimin e një misioni të tillë së bashku me një linjë që ndan ushtrinë ukrainase me separatistët.

Mirëpo Ukraina dhe Perëndimi shqetësohen se vendosja e një force paqeruajtëse në vijën e frontit, në vend të zonës së kufirit Rusi-Ukrainë do të shtonte kontrollin e Moskës në hapësirat e mbajtura nga separatistët dhe në këtë mënyrë ushtarët dhe armët ruse do të vazhdonin të qarkullonin në Ukrainë.

Stoltenberg, i cili e ka përshkruar takimin e tij me Lavrovin në Mynih si “të dobishëm”, ka thënë se “është shumë herët të flasë”, për ndonjë arritje të marrëveshjes për çështjen e paqeruajtësve në Ukrainë.

commentFirst article
Sot mund të lexoni Shfletoni kopertinat