Liderët pro-evropianë nga Moldavia, Ukraina dhe Gjeorgjia kanë thënë se prezenca e vazhdueshme e trupave ruse në vendet e tyre është destabilizuese.
Anëtarët e parlamentit nga të tri shtetet kanë nisur një deklaratë të përbashkët në fund të konferencës një-ditore për siguri, të mbajtur në kryeqytetin e Moldavisë, Kisinau.
Ata kanë shprehur shqetësimet e tyre të thella për prezencën ushtarake të Rusisë në tri ish-republikat Sovjetike.
Në deklaratë duhet se të tri shtetet janë “thellësisht të shqetësuara për trupat ruse”, në Moldavi, si dhe për “okupimin rus dhe intervenimet e tjera ushtarake”, në disa pjesë të Gjeorgjisë dhe Ukrainës.
Ndër të tjera janë dënuar edhe “operacionet ruse në rrjetet sociale”, për të diskredituar qeveritë pro-evropiane.
“Pas 26 vjetëve, Moldavia ka ende territor të okupuar”, ka thënë përfaqësuesi i këtij shteti, Andrian Candu.
“Me të njëjtin realitet po përballet Gjeorgjia dhe Ukraina”, ka shtuar ai.
Rusia ka rreth 1,500 trupa të stacionuar në rajonin separatist, Transdniester në Gjeorgji.
Ky rajon e ka shpallur pavarësinë nga Kisinau më 1990 me mbështetjen e Moskës.
Rusia pretendon se duhet të qëndrojë në Transdniester, për të siguruar paqe si dhe për depot e municionit të periudhës Sovjetike në këtë rajon.
Luftimet në mes të Gjeorgjisë dhe Rusisë më 2008, rezultuan me ndarjen e dy rajoneve të Gjeorgjisë, Osetinë Jugore dhe Abkazinë.
Të dyja këto rajone kanë shpallur pavarësinë dhe nga ajo kohë Rusia i mbështet me ndihmë financiare dhe ushtarake.
Ukraina është në konflikt me separatistët pro-rusë në lindje të shtetit, në të cilin kanë vdekur më shumë se 10,000 persona nga prilli i vitit 2014.
Moldavia, Ukraina dhe Gjeogjia kanë nënshkruar marrëveshje asociimi me Bashkimin Evropian më 2014, pavarësisht kriticizmit të ashpër të Rusisë.
