Arma sekrete e Ukrainës bie në duart e rusëve - Bota Sot
Arma sekrete e Ukrainës bie në duart e rusëve

Evropë

E martë, 23 tetor 2018

Arma sekrete e Ukrainës bie në duart e rusëve

Më: 17 maj 2018 Në ora: 20:24
Arma sekrete e Ukrainës bie në duart e rusëve

Delfini për spiunime të ushtrisë ukrainase, i aftë për të bartur bomba dhe sulmuar zhytësit, ka ngordhur nga uria për shkak se refuzoi të marrë shqimin e ofruar nga rusët, pohon Kievi zyrtar.

Delfinët ishin trajnuar për të marrë pjesë në misione të marinës në ushtrinë e Ukrainës.

Ata kishin aftësi për të dërguar bomba në anije dhe për të sulmuar zhytësit me thika. 

Delfinët u kapën nga Rusia gjatë aneksimit të Krimesë në vitin 2014.

Lajmi është bërë i ditur nga Borys Babin, përfaqësues i qeverisë së Kievit në Krime, sipas të cilit njëri nga delfinët e kapur ngordhi pasi nuk deshi të ha ushqimin e “pushtuesve”.  

Ushtria ka zhvilluar njësinë sekrete të delfinëve që nga vitet e shtatëdhjeta të shekullit të kaluar.

“Delfinët e trajnuar nga forcat detare ukrainase në  Sevastopol, mund të komunikojnë me trajnerët e tyre përmes fishkëllimave të veçanta”, tha Babin për mediat ukrainase.

Ndryshe, Bashkimi Sovjetik kishte nisur trajnimin e delfinëve me hundë shisheje si asete detare që nga koha e Luftës së Ftohtë në portin kryesor të Detit të Zi të Sevastopolit, në vitin 1973.

Pas shpërbërjes së BRSS-së, ata ishin bërë pjesë e marinës së Ukrainës në fillim të viteve të nëntëdhjeta.

Disa besojnë se Moska po planifikon të ushtrojë delfinët për t’u bërë ushtarë.

Një burim i tha agjencisë ruse të lajmeve RIA Novosti se inxhinierët po zhvillojnë një teknologji të re të akuariumit për programe të reja që do të përdorë më me efikasitet delfinët nën ujë.

Pas aneksimit të Krimesë nga Rusia, delfinët luftarakë mbetën nën kontrollin e Kremlinit së bashku me të gjitha 193 njësitë ushtarake në rajon. 

Shfaq komentet
comments powered by Disqus
Sot mund të lexoni Shfletoni kopertinat
Sondazh
test