Rreth 2,000 persona evakuohen për të larguar një bombë në Poloni

Evropë

Rreth 2,000 persona evakuohen për të larguar një bombë në Poloni

Më: 9 gusht 2018 Në ora: 15:41
Foto ilustrim

Policia polake ka njoftuar për evakuuimin e më shumë se 2,000 personave, pasi ka zbuluar një bombë të pashpërthyer të periudhës së Luftës së Dytë Botërore, me peshë 250 kilogramë, transmeton AP.

Bomba është zbuluar në Lumin Oder në qytetin Glogow, zonë në jugperëndim të Polonisë, e cila ka qenë pjesë e Gjermanisë gjatë luftës.

Zyrtari përgjegjës për policinë në Glogow, Lukasz Szulikowski, i ka thënë agjencisë së lajmeve PAP, se autoritetet janë duke evakuuar 2,000 deri në 3,000 persona afër një shkolle, para se të fillojë largimi i bombës.

Ai ka thënë se bomba është zbuluar gjatë pastrimit të fundit të lumit.

Transmetuesi privat, TVN24, ka raportuar se kjo është bomba e katërt e periudhës së Luftës së Dytë Botërore që është gjetur në këtë rajon prej vitit të kaluar.

Sot mund të lexoni Shfletoni kopertinat