Juncker: BE-ja do t’i përgjigjet rritjeve të tarifave amerikane - Bota Sot
Juncker: BE-ja do t’i përgjigjet rritjeve të tarifave amerikane

Evropë

Juncker: BE-ja do t’i përgjigjet rritjeve të tarifave amerikane

Më: 31 gusht 2018 Në ora: 20:52
Jean Claude Juncker

Bashkimi Evropian do t’i përgjigjet të gjitha vendimeve të SHBA-së për të rritur tarifat mbi automjetet, deklaroi për televizionin gjerman ZDF, presidenti i Komisionit Evropian, Jean Claude Juncker.

Juncker dhe presidenti Donald Trump u takuan në Uashington në korrik për të biseduar në lidhje me tarifat doganore që po vendos administrata amerikane.

“Ne, Trump dhe unë, ramë dakord për një armëpushim në lidhje me tarifat e reja për makinat. Sikurse ndodh me armëpushimet, ndonjëherë ato janë në rrezik, por ato qëndrojnë”, tha ai.

“Megjithatë, nëse Trump do të rrisë tarifat mbi automjetet, atëherë BE-ja do të bëjë të njëjtën gjë”, tha Juncker.

Dy palët po takohen për të punuar që të vendosin bazat për një marrëveshje të ardhshme.

Këto bisedime vijojnë ato të takimit mes Juncker dhe Trump në korrik.

Shfaq komentet
comments powered by Disqus
Sot mund të lexoni Shfletoni kopertinat