Papunësia në Eurozonë, në nivelin më të ulët - Bota Sot
Papunësia në Eurozonë, në nivelin më të ulët

Evropë

Papunësia në Eurozonë, në nivelin më të ulët

Më: 1 shtator 2018 Në ora: 00:30
Eurozona

Papunësia në Eurozonë ka rënë në nivelin më të ulët që nga faza më akute e krizës financiare botërore, një dekadë më parë.

Agjencia për statistika e Bashkimit Evropian, Eurostat, tha të premten se norma e papunësisë në korrik ka qenë 8.2%.

Shifra është më e ulëta qysh në nëntor të vitit 2008, kur papunësia ka marrë hov pas kolapsimit të bankës së investimeve në SHBA, Lehman Brothers.

Papunësia ka arritur kulmin prej 12.1% në vitin 2013, kur kriza, së paku për Eurozonën, është shndërruar në krizë të borxhit qeveritar, e përqendruar kryesisht në Greqi.

Eurostat tha se 16.82 milionë njerëz kanë qenë të papunë në Eurozonë në muajin korrik, 82,000 më pak se muajin paraprak.

Shfaq komentet
comments powered by Disqus
Sot mund të lexoni Shfletoni kopertinat