Policia boshnjake ndalon 50 emigrantë në një tren - Bota Sot
Policia boshnjake ndalon 50 emigrantë në një tren

Evropë

Policia boshnjake ndalon 50 emigrantë në një tren

Më: 1 shtator 2018 Në ora: 22:46
Tren

Policia e Bosnjës ka ndaluar rreth 50 emigrantë nga Afganistani, Irani dhe Pakistani duke  u përpjekur të kalonin nga Serbia në një tren mallrash të premten.

Bosnja nuk kishte qenë rrugë e emigrantëve përmes Ballkanit për në vendet e Bashkimit Evropian deri në fillim të këtij viti kur arritjet u rritën. Rreth 11 mijë njerëz nga Azia dhe Afrika e Veriut janë regjistruar si të ardhur deri më tani në këtë vit.

“Emigrantët po kalojnë lumin Drina (kufiri mes Serbisë dhe Bosnjës) dhe pastaj paguajnë ndërmjet 250 dhe 300 euro për kontrabandistët që t’i marrin mbi Drinën”, tha një burim policor.

Treni që bartë thëngjill u ndalua pranë qytetit kufitar, Zvornik në brigjet e lumit Drina. Ndërsa treni u ndal, disa nga emigrantët në bord kërcyen dhe filluan të  vrapojnë mbrapa për në Serbi.

Shteti i Bosnjës u anashkalua në vitin 2015 dhe 2016, kur më shumë se një milion emigrantë dhe refugjatë kaluan nëpër Ballkan. Por me mbylljen e kufijve nga shtetet tjera, Bosnja është bërë një rrugë e re tranzitimi.

Shfaq komentet
comments powered by Disqus
Sot mund të lexoni Shfletoni kopertinat