Kremlini do të shqyrtojë çdo kërkesë britanike mbi të dyshuarit për rastin Skripal - Bota Sot
Kremlini do të shqyrtojë çdo kërkesë britanike mbi të dyshuarit për rastin Skripal

Evropë

E premte, 16 nëntor 2018

Kremlini do të shqyrtojë çdo kërkesë britanike mbi të dyshuarit për rastin Skripal

Më: 14 shtator 2018 Në ora: 15:05
Zëdhënësi i Kremlinit, Dmitry Peskov.

Kremlini tha se do të shqyrtojë çdo kërkesë të Britanisë për të marrë në pyetje dy persona të dyshuar për përpjekje për të vrarë një ish-spiun rus dhe vajzën e tij, në qytetin Sallsbëri të Anglisë.

Por, zëdhënësi i Kremlinit, Dmitry Peskov, tha se deri më tash nuk është pranuar asnjë kërkesë.

Britania ka akuzuar dy shtetas rusë, Ruslan Boshirov dhe Aleksandr Petrov, për komplot për të vrarë ish-spiunin Sergei Skripal dhe vajzën e tij Yulia, në muajin mars.

Autoritetet britanike i kanë akuzuar ata për hedhje të agjentit nervor Noviçok në derën e banesës së Skripalëve.

Peskov përsëriti të premtën se Kremlini e mohon çdo përfshirje të Rusisë në helmimin në fjalë.

Komentet e tij vijnë një ditë pasi dy të dyshuarit u shfaqën në televizionin RT, kanal i financuar nga Kremlini, për të thënë se janë të pafajshëm.

Ata e mohuan se janë agjentë të shërbimit të inteligjencës ushtarake ruse, të njohur si GRU, dhe thanë se kanë qenë turistë në Sallsbëri.

Sot mund të lexoni Shfletoni kopertinat
Sondazh
test