Turqia kërkon përgjigje nga Arabia S. për zhdukjen e gazetarit - Bota Sot
Turqia kërkon përgjigje nga Arabia S. për zhdukjen e gazetarit

Evropë

E shtunë, 20 tetor 2018

Turqia kërkon përgjigje nga Arabia S. për zhdukjen e gazetarit

Më: 8 tetor 2018 Në ora: 18:42
Stamboll, Turqi

Turqia kërkoi të bëhet një kontroll i konsullatës saudite në Stamboll, pasi tha se një gazetar është vrarë brenda mureve të saj.

Gazetari i zhdukur, Jamal Khashoggi, shtetas saudit, është parë për herë të fundit duke vizituar konsullatën, të martën e kaluar.

Zyrtarët turq thanë se hetuesit kanë "prova konkrete" të vrasjes, e cila, sipas tyre, është kryer nga një ekip saudit prej 15 vetash, që ka arritur në Turqi javën e kaluar.

Provat nuk u paraqitën, ndërsa Arabia Saudite i cilësoi akuzat si të pabaza.

Princi saudit i kurorës, Mohammed bin Salman, tha se zyrtarët janë të mirëpritur të bëjnë kontrolle, pasi nuk ka asgjë për të fshehur.

Khashoggi jetonte në SHBA, ku ka shkruar për gazetën Washington Post.

Gazeta tha se Shtetet e Bashkuara duhet të kërkojnë përgjigje nga sauditët.

Khashoggi ka qenë kritik i zëshëm i princit saudit të kurorës dhe ka më shumë se 1.6 milion ndjekës në Twitter.

Për disa vite, ai ka shërbyer edhe si këshilltar i zyrtarëve të lartë sauditë.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test