Andaluzia, testi i parë për kryeministrin Sanchez - Bota Sot
Andaluzia, testi i parë për kryeministrin Sanchez

Evropë

E shtunë, 20 tetor 2018

Andaluzia, testi i parë për kryeministrin Sanchez

Më: 9 tetor 2018 Në ora: 08:31
Pedro Sanchez

Udhëheqësi i rajonit më të populluar të Spanjës, Andaluzisë, të hënën bëri thirrje për zgjedhje rajonale më 2 dhjetor, në atë që do të jetë testi i parë zgjedhor për Partinë Socialiste në pushtet, që kur Kryeministri Pedro Sanchez mori detyrën në qershor.

Andaluzia është e para e një procesi të zgjedhjeve lokale që priten gjatë vitit të ardhshëm, që do të vlerësojë gjendjen e publikut pasi Sanchez erdhi në zyrë me grupin më të vogël parlamentar, që kur Spanja u kthye në demokraci.

Rajoni jugor, i cili ka një nga normat më të larta të papunësisë në Bashkimin Evropian, është një bastion i Partisë Socialiste të Sanchez, por dega andaluziane e partisë është dëmtuar nga skandalet e korrupsionit.

Përveç kësaj, Andaluzia është destinacioni për mijëra afrikanë që kanë hyrë në Spanjë nga deti, pasi vendet e tjera evropiane si Italia, mbyllin portet e tyre për emigrantët e paligjshëm.

Socialistët e Sanchez kanë marrë një qëndrim më të butë për emigrantët e paligjshëm, duke lejuar zbritjen në brigjet spanjolle të anijeve bamirëse, të kthyera nga portet e tjera evropiane dhe duke ofruar falas kujdesin shëndetësor për emigrantët pa dokumente.

Partitë e djathta, siç janë Partia Konservatore e Popullit (PP) dhe Vox, kanë kapur këto lëvizje, për të rritur retorikën e tyre kundër migrimit të paligjshëm, megjithatë, sondazhet tregojnë se socialistët janë rritur në votime, pavarësisht këtyre çështjeve.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test