Përmbytjet në Evropë, 12 viktima në Majorka - Bota Sot
Përmbytjet në Evropë, 12 viktima në Majorka

Evropë

E diel, 21 tetor 2018

Përmbytjet në Evropë, 12 viktima në Majorka

Më: 11 tetor 2018 Në ora: 20:26
Përmbytjet në Evropë, 12 viktima në Majorka

Reshje të dendura shiu dhe erëra të forta u përplasën sidomos mbi Cagliari, ku një grua që konsiderohej e zhdukur, është gjetur e pajetë. Një mbikalim u shemb pjesërisht prej shiut të dhunshëm, ndërkohë që shkollat, muzetë, bibliotekat mbeten të mbyllura.

Në ishullin spanjoll të Majorkës, ekipet e shpëtimit janë duke kërkuar një djalë të vogël 5 vjeçar dhe dy pushues gjermane, të cilët rezultojnë të zhdukur pas një vërshimi të befasishëm ujërash.

Dy trupa të pajetë u gjetën në jug të Francës në një makinë të përmbysur pranë qytetit Sainte-Maxime. Duket se bëhet fjalë për një prej disa automjeteve të tërhequr nga ujërat e lumit Garonnette, niveli i të cilit u rrit ndjeshëm pas shirave të dendur në zonë gjatë natës.

Stuhitë janë pjesë e një fronti të ftohtë që është zhvendosur nëpër Mesdhe duke marrë të paktën 12 jetë njerëzish në Majorka, mes të cilëve edhe dy turistë britanike. Punonjësit e ndërhyrjes së shpejtë kanë mundur të shpëtojnë gjithsej 16 persona.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test