Gjermania ekstradon të dyshuarin për vrasjen e gazetares bullgare - Bota Sot
Gjermania ekstradon të dyshuarin për vrasjen e gazetares bullgare

Evropë

Gjermania ekstradon të dyshuarin për vrasjen e gazetares bullgare

Më: 18 tetor 2018 Në ora: 06:40
Severin Krasimirov

Gjermania ka ekstraduar të dyshuarin në vrasjen e gazetares televizive bullgare, Viktoria Marinova në Bullgari, tha një zyrtar i Ministrisë së Brendshme.

Bullgari Severin Krasimirov do të akuzohet personalisht për përdhunimin dhe vrasjen e 30-vjeçares Marinova, trupi i të cilës u gjet në një park në qytetin e saj, në Ruse, më 6 tetor.

Policia tha se viktima ishte rrahur, përdhunuar dhe më pas mbytur, ndërsa rasti nxiti reagimin e shumë organizmave ndërkombëtarë.

Prokurorët kanë thënë se dëshmitë nuk tregojnë se vdekja e Marinovës ishte e lidhur me punën e saj, por në dukje një krim seksual i rastit, edhe pse ata ende po hetojnë të gjitha mundësitë.

Viktoria Marinova u gjet e vdekur vetëm pak ditë pasi priti në studion e saj disa gazetarë investigativë, të cilët denoncuan raste korrupsioni të niveleve të larta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...