Autoritetet turke kanë arrestuar një shtetas suedez, me origjinë turke në qytetin juglindor të Turqisë Dijarbakir, pasi dyshohet se ka lidhje me Partinë e jashtëligjshme të Punëtorëve të Kurdistanit (PKK), tha policia të mërkurën.
Policia dhe inteligjenca turke raportuan se 46-vjeçari kishte vizituar Turqinë për të kryer takime me njerëzit e lidhur me PKK dhe kishte organizuar takime dhe aktivitete për organizatën në Suedi.
PKK, e konsideruar një organizatë terroriste nga Shtetet e Bashkuara, Turqia dhe Bashkimi Evropian, ka bërë një kryengritje kundër shtetit turk që nga viti 1984. Dhuna në juglindje kryesisht kurde është përshkallëzuar që nga rënia e një armëpushimi në vitin 2015.
Turqia në muajt e fundit ka kryer sulme ndaj bazave të PKK në Irakun e veriut, veçanërisht në bastionin e kryengritësve në malet Qandil, ku Ankaraja gjithashtu ka kërcënuar të kryejë një ofensivë tokësore.
