Prokuroria Themelore në Ferizaj, gjatë muajit shkurt, ka ngritur gjithsejtë 199 aktakuza për raste të ndryshme penale.
Sipas një komunikate të prokurorisë, në Departamentin e Krimeve të Rënda, janë ngritur gjithsejtë katërmbëdhjetë aktakuza ndaj njëzetë e një personave.
“Departamenti i Përgjithshëm i kësaj prokurorie gjatë muajit shkurt ka ngritur gjithsejtë 176 aktakuza, ndërsa Departamenti për të Mitur ka ngritur nëntë aktakuza. Prokuroria Themelore në Ferizaj mbetet e përkushtuar për luftimin e kriminalitetit, ngritjen e efikasitetit, transparencës dhe llogaridhënies”, thuhet në komunikatë.