Ferizaj shënoi 20-vjetorin e çlirimit - Bota Sot
Ferizaj shënoi 20-vjetorin e çlirimit

Ferizaj

Ferizaj shënoi 20-vjetorin e çlirimit

Më: 12 qershor 2019 Në ora: 17:10
Ferizaj shënoi 20-vjetorin e çlirimit

Ferizaj shënoi 20-vjetorin e çlirimit me aktivitete të shumta kulturore-sportive dhe përkujtimore për martirët e lirisë dhe bijtë e bijat më të shtrenjta të kombit, dëshmorët e kombit të Ushtrisë Çlirimtare të Kosovës.

Me nderimin më lartë, përkulje pranë Memorialit të Dëshmorëve të Kombit të UÇK-së dhe kurorat e luleve në varret ku pushojnë bijtë e bijat më të shtrenjta të kombit u bënë homazhet në këtë jubile të 20-të Çlirimit të Ferizajt.

Elmi Reçica, ish-epror i lartë i Ushtrisë Çlirimtare të Kosovës, kujtoi këtë ngjarje, me lavdinë e shokëve të rënë për lirinë, orientimin e shoqërisë sonë në dekadën e re, atë të zhvillimit ekonomik, integrimit dhe fuqizimit të mëtejmë të shtetit tonë.

"Sot kujtojmë ditën e çlirimit, ditën e paqes, ditën e fillimit të një jete të re, krejt të veçantë, jete pa luftë dhe pa shqetësime çfarë i kanë pasur para 12 qershorit të vitit 1999. Dua të falënderoj gjithë ata që kanë kontribuar, ushtarët e Ushtrisë Çlirimtare të Kosovës, dëshmorët e rënë, invalidët e luftës, pa angazhimin, pa punën, pa jetën, pa sakrificën e tyre nuk do të ishim këtu ku jemi 20 vjet pas. Një falënderim i veçantë i shkon forcave të NATO-s që kanë qenë ato që kanë përcaktuar shpejtësinë e ndryshimit rrënjësor të gjendjes në Kosovë", tha deputeti Reçica i cili shtoi se në dekadën e re, dekadën e tretë pas lirisë dhe pavarësisë fokusi është integrimi, zhvillimi ekonomik që do të na prijë në këto procese.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...