​Komuna e Ferizajt me apel për qytetarët: Mbeturinat të hidhen në qese - Bota Sot
​Komuna e Ferizajt me apel për qytetarët: Mbeturinat të hidhen në qese

Ferizaj

​Komuna e Ferizajt me apel për qytetarët: Mbeturinat të hidhen në qese

Më: 16 mars 2020 Në ora: 13:41
Foto ilustrim

Me kërkesë të KRM "Pastërtia" që të mbrohet shëndeti i punonjësve të mirëmbajtjes/pastrimit nga virusi COVID-19, Komuna e Ferizajt apelon te të gjithë qytetarët që mbeturinat të hidhen në qese mbeturinash dhe të mbyllen, që mos të shpërndahen gjatë bartjes/hedhjes.

Po ashtu kërkohet që qytetarët të respektojnë orarin e hedhjes së mbeturinave, të denoncojnë ndotësit eventualë që hedhin mbeturinat jashtë vendit e orarit të caktuar.

Këto masa, në kushtet e gjendjes emergjente të shëndetit publik, janë të domosdoshme që të zbatohen në mbrojtje të shëndetit të punonjësve të ndërmarrjes dhe shëndetit të qytetarëve.

KRM "Pastërtia" do të vijojë pa ndërprerje aktivitetin e përditshëm të pastrimit të mbeturinave e mirëmbajtjes së hapësirave publike, që në këto kushte të pandemisë, niveli i pastërtisë, higjienës publike të mos bie, thuhet në njoftim.

Shfaq komentet
comments powered by Disqus
Sot mund të lexoni Shfletoni kopertinat