Sot me 22 mars, ditë e diel, qyteti i Ferizajt si çdo qytet tjetër pothuajse i heshtur, me shumë pak njerëz dhe të gjithë të vet-izoluar nëpër shtëpitë e tyre, duke respektuar rregullat e Qeverisë së Kosovës, për t’ju shmangur kontaktit njëri me tjetrit dhe rrezikut nga armiku i padukshëm, virusi korona.
Në foto shihet se si duket sot qyteti i Ferizajt.
Kjo foto është bërë nga fotografja Bardha Goga. Fotografi që jep aq shumë emocione por në anën tjetër shton edhe krenarinë e këtij pëllumbi, që duket se lutet për njerëzimin.
Qyteti i zbrazur sikur të jetë në kohë lufte, në mes një pëllumb përkatësisht pëllumbi, që sigurisht sinjalizon ditë të mira!
Rrugët dhe qyteti i boshatisur, ndërsa pëllumbi i paqes qëndron në qendër të qytetit dhe duket që po jep mesazh, se po vijnë ditët e mira e të lumturisë!
