​Ferizaj marrëveshje me Caritasin zviceran, 75 edukatorë parafillorë përfitojnë trajnime - Bota Sot
​Ferizaj marrëveshje me Caritasin zviceran, 75 edukatorë parafillorë përfitojnë trajnime

Ferizaj

​Ferizaj marrëveshje me Caritasin zviceran, 75 edukatorë parafillorë përfitojnë trajnime

Më: 4 qershor 2020 Në ora: 17:37
Foto nga takimi

Kryetari i Komunës së Ferizajt, Agim Aliu, ka pritur sot drejtorin për Kosovë të Caritasit zviceran, Kreshnik Basha dhe zyrtaren nga kjo organizatë, Krenare Lleshi.

Në takim u nënshkrua marrëveshja në kuadër të projektit “Shpresë’, qëllimi i së cilës është përmirësimi i cilësisë së arsimit dhe ofrimit të shërbimit në arsimin parafillor (APF), duke përfshirë edhe punën me edukatorët para-shërbimit dhe atyre që janë duke punuar, si dhe institucionet e tjera lokale relevante.

Nga marrëveshja e nënshkruar sot, Ferizaj përfiton trajnime dhe ngritjen e kapaciteteve për edukatorët parafillorë gjatë vitit 2020. Janë 75 edukatorë të cilëve Caritasi zviceran do t'i ofrojë trajnime cilësore përmes institucionit partner, përkatësisht IPK dhe Master trajnerëve të tyre si dhe pajisjen e 10 klasave të APF në vitin 2020/21, në bashkëfinancim mes partnerëve.

Shfaq komentet
comments powered by Disqus
Sot mund të lexoni Shfletoni kopertinat