Klubi Rotaract dhe Rotary nga Ferizaj, është organizuar këtë javë në harmoni me klubin Rotary nga Tetova dhe Prishtina për mbledhjen e mjeteve monetare dhe rrobave, batanijeve apo ushqimeve të konservuara për ndihmë ndaj familjeve shqipëtare të vvrshuara nga kushtet e pavolitshme atmosferike në Shkup, të Maqedonisë.
Nuhi Cerkini, kryetari i këtij klubi me karakter humanitar dhe arsimor, potencoi se mbledhja e këtyre gjërave materiale, janë bërë falë vullnetit pozitiv i cili qarkullon në venat e gjakut të të rinjve ferizajas, duke shprehë falënderimin për të gjithë qytetarët shembullor të Ferizaj-të të cilët kanë kontribuar në mënyrë simbolike.
Kryetari në fjalë po ashtu theksoi se gjatë këtyre ditëve janë mbledhur gjithsejtë mbi 500 € si mjete monetare nga anëtarët ë Rotary dhe një rimorkio me dimension standard i mbushur me rroba dhe batanije të dhuruara nga anëtarët e klubit Rotaract dhe qytetarët Ferizajas.
