E neveritshme, e gërditshme dhe e padurueshme era që i vjen këtij bërlloku brenda hapësirës së stacionit të autobusëve në Ferizaj, tregon një lexues për gazetën kombëtare “Bota sot”, i cili nuk dëshiron t’i identifikohet me emër.
“Është e çuditshme se si nuk i pengon atyre që duhet të pastrojnë ambientin, ku aty frekuentojnë me mijëra udhëtarë brenda ditës”, ka thënë ai, duke i dërguar edhe dy foto dhe paraqitur edhe gjendjen aktuale.
Shpresojmë se ata që janë përgjegjës për të mirëmbajtur këtë hapësirë gjithsesi se duhet të marrin masat e duhura, të pastrohet dhe mos të lejohet të vijë në një gjendje çfarë shihet në foto, për faktin se është një pasqyrë e keqe për një qytet që njihet i dyti në Kosovë për nga fuqia ekonomike.
Shikojeni më së miri fotot se si duke stacioni sot. E paprecedent!
