Detaje të reja rreth filmit “Breaking Bad” - Bota Sot
Detaje të reja rreth filmit “Breaking Bad”

Filma

Detaje të reja rreth filmit “Breaking Bad”

Më: 16 shkurt 2019 Në ora: 19:45
Filmi “Breaking Bad”

Ajo që me siguri e dimë për filmin “Breaking” Bad është se definitivisht ai do të bëhet me skenar dhe regji të krijuesit të serisë Vince Gilligan, ndërsa tani është njoftuar se së pari do të jetë në dispozicion në Netflix.

Në një kthesë të pazakontë, filmi do të transmetohet në AMC – shtëpinë e Breaking Bad dhe spinoffit të tij Better Call Saul – pak pasi që të publikohet në platformën që e ndihmoi Heisenbergun të bëhej i famshëm.

Përveç kësaj, shumë pak gjëra janë konfirmuar zyrtarisht për filmin. Bryan Cranston tha se nuk e di nëse shërbimet e Walter White do të ishin të nevojshme, por ai është i gatshëm t'i përgjigjet thirrjes nëse Gilligan do të kishte nevojë për këtë. Është përfolur se filmi do të fokusohet tek Jesse Pinkman (Aaron Paul), por tani për tani ky informacion u atribuohet burimeve anonime dhe nuk është konfirmuar nga Gilligan ose rrjeti.

Për më tepër, informatat anonime sugjerojnë se ngjarja "do ta ndjekë ikjen e personit të rrëmbyer (Jesse i Paulit) dhe kërkimi i tij për liri". Si duket pavarësisht nga formati narrativ, problemet gjithmonë e gjejnë Pinkmanin.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...