Çmimet Bafta/ Filmi ‘1917’ merr 7 çmime, përfshi edhe trofeun për filmin më të mirë - Bota Sot
Çmimet Bafta/ Filmi ‘1917’ merr 7 çmime, përfshi edhe trofeun për filmin më të mirë

Filma

Çmimet Bafta/ Filmi ‘1917’ merr 7 çmime, përfshi edhe trofeun për filmin më të mirë

Më: 3 shkurt 2020 Në ora: 23:57
Margot Robbie

Duka dhe Dukesha i Kembrixhit qeshën në mënyrë dukshëm të sforcuar me shakanë e aktores së njohur Margot Robbie mbi largimin e Harryt dhe Meghanit nga familja mbretërore.

Princi William dhe Kate Middleton ishin të ftuarit e nderit në ceremoninë e ndarjes së çmimeve Bafta, ku Brad Pitt fitoi çmimin e aktorit më të mirë në një rol dytësor për interpretimin e tij në filmin ‘Once Upon a Time in Hollywood’. E ndërsa Pitt nuk ishte i pranishëm në sallë, statuetën e mori në emër të tij kolegia Margot Robbie, e cila e shoqëroi këtë moment me një batutë:

“Ai thotë se do t`ia vërë Harry emrin këtij çmimi, sepse është shumë i entuziazmuar nga fakti që do ta çojë në Amerikë. E thotë ai, jo unë. “ tha Margot Robbit.

Kamera menjëherë u fokusua tek William dhe Kate, dhe buzëqeshja e tyre që në media u interpretua si nervoze..

Ceremonia këtë radhë u kthye padyshim në mbrëmjen e 1917; filmi me regji të Sam Mendes rrëmbeu 7 çmime, përfshirë atë të filmit më të mirë. Megjithatë, tema më e nxehtë e eventit ishte padyshim diversiteti. Moderatori Graham Norton bëri shaka duke thënë se “ ky ishte viti kur të bardhët më në fund triumfuan ..11 nominime për Jokerin, u shpreh ai, historia e një burri të bardhë që e e zbardh veten edhe më shumë, teksa I referohej filmit për të cilin Joaquin Phoenix fitoi edhe këtu statuetën e aktorit më të mirë. Baftat janë kritikuar për mungesën e diversitetit pasi të 20 të nominuar ishin të bardhë e asnjë regjisore femër nuk ka marrë nominim atje që në 2013-tën. Çmimet britanike të kinematografisë Bafta konsiderohen thuajse si homologe të atyre Oskar në Shtetet e Bashkuara të Amerikës.

Shfaq komentet
comments powered by Disqus
Sot mund të lexoni Shfletoni kopertinat