Gerard Butler do të luaj në filmin e ri aksion “Kandahar” - Bota Sot
Gerard Butler do të luaj në filmin e ri aksion “Kandahar”

Filma

Gerard Butler do të luaj në filmin e ri aksion “Kandahar”

Më: 24 qershor 2020 Në ora: 13:44
Gerard Butler

Aktori i njohur hollywoodian, Gerard Butler, i është bashkuar kastës së aktorëve të filmit të ardhshëm, “Kandahar”, regjinë e së cilit po e bënë Ric Roman Waugh.

Waugh do ta adaptoj në ekran të madh skenarin të cilin e ka shkruar së bashku me ish-oficerin e inteligjencës ushtarake, Mitchell LaFortune.

Në film, Butler e luan rolin e Tom Harrisit, një operativ i fshehtë i CIA-s i stacionuar në Lindjen e Mesme. Kur dikush ia ekspozon misionin e tij sekret, Harris dhe përkthyesi i tij duhet të luftojnë nëpër shkretëtirë për të arritur në një zonë të sigurt për ta në Kandahar të Afganistanit.

Ylli i filmit “Olympus Has Fallen” po ashtu shërben si producent i këtij projekti, së bashku me Alan Siegeli, Basil Iwanyk, Erica Lee dhe Christian Mercuri.

Filmi “Kandahar” do të xhirohet në Lindjen e Mesme ndërsa ende nuk ka datë të planifikuar për lansimin e tij nëpër kinema.

Gerard Butler, Ric Roman Waugh dhe Basil Iwanyk, së fundmi kanë bashkëpunuar edhe në trilerin e bazuar në një katastrofë natyrore, “Greenland”, i cili pritet të lansohet në gusht të këtij viti.

Shfaq komentet
comments powered by Disqus
Sot mund të lexoni Shfletoni kopertinat