Pandemia Covid-19 ka bërë që të shtyhet përsëri dalja në kinema e Tenet, filmi i fundit i Christopher Nolan, që fillimisht duhej të kishte dalë në sallat amerikane nga 17 korrikut.
Për shkak të rritjes së rasteve të reja dhe mbylljes së kinemave, dalja e filmit në salla u shty për më 12 gusht, por tani është shtyrë përsëri. Edhe qeveria kineze e ka ndaluar shfaqjen, në këtë rast për shkak se filmi është shumë i gjatë.
Për momentin dalja e Tenet në sallat amerikane të kinemasë është shtyre në një datë të papërcaktuar, por Warner Bros ka lajmëruar se shumë shpejt do të komunikojë datën e re.
Sipas Hollywood Reporter, filmi mund të shfaqet për herë të parë jashtë Shteteve të Bashkuara të Amerikës.
Kjo mund të jetë një goditje e rëndë, duke parë se nga 8% deri në 18% të të ardhurave totale të filmave të Christopher Nolan kanë ardhur nga tregu kinez.