Sonte me një cermoni zyrtare hapet edicioni i 10-të i Festivalit Ndërkombëtar të filmit në Prishtinë.
Hapja do të bëhet në Teatrin Kombëtar, duke filluar nga ora 20:30, për të vazhduar në orën 21:30, në Kinemanë e hapur në sheshin ‘Zahir Pajaziti’.
Sipas njoftimit, festivali do të zgjasë deri më 22 korrik, ku do të shfaqen filma të ndryshëm që ishin edhe premierë botërore, për të përfunduar me ndarjen e çmimeve tradicionale, si dhe çmimit special “Hyjnesha e Artë e Nderit” për aktoren Vanessa Redgrave, për karrierën e saj të veçantë dhe kontributin në kinematografinë botërore, si dhe mbështetjen e vazhdueshme komunitetit artistik të Kosovë dhe Festivalit Ndërkombëtar të Filmit - PriFest ndër vite.
