Gara zhvillohet në Prevallë  - Bota Sot
Gara zhvillohet në Prevallë 

Formula 1

Gara zhvillohet në Prevallë 

Më: 11 maj 2019 Në ora: 10:09

Pas auto sllallomit në Prizren dhe Drage Race në Sllatinë, Kampionati i Kosovës në automobilizëm vazhdon me garën e parë në disiplinën malore, e cila këtë fundjavë zhvillohet në Prevallë.
Shumë nga garuesit kanë bërë investime të mëdha në veturat e tyre dhe me padurim e kanë pritur garën e parë në këtë disiplinë, e cila është më atraktive dhe me më shumë adrenalinë.
Bardhyl Canolli, Liridon Kalenderi, Valdet Kaçandolli, Blerand Hasanaj, Gazmend Demolli dhe të tjerë synojnë kampionat të suksesshëm, madje nuk i fshehin ambiciet edhe për suksese në gara ndërkombëtare.
Paraqitja në garë bëhet të shtunën për të vazhduar me verifikimin e dokumentacionit dhe kontrollimin teknik.
Pas procedurave tjera të zakonshme, vozitja e parë provuese është në orën 12:30, ndërsa përfundimi i aktivitetit për të shtunën është paraparë në orën 16:00.
Gara zyrtare fillon të dielën në orën 12:00, ndërsa përfundimi po ashtu pritet të jetë rreth orës 16:00.
Federata e Auto Sportit e Kosovës dhe Auto Klubi Prizreni D&G i kanë marrë të gjitha masat që gara të ketë rrjedhë sa më të mirë, ndërsa për të ndodhur kjo, do të asistojnë edhe Policia e Kosovës, Ndihma e Shpejtë dhe Brigada e Zjarrfikësve.
FASJ kërkon mirëkuptim nga qytetarët që aksi rrugor ku zhvillohet gara do të jetë i mbyllur për veturat civile, por gjithsesi do të ketë intervale kohore kur do të mund të kalojnë këtë pjesë të rrugës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...