Valtteri Bottas është fituesi i provave zyrtare të Çmimit të Madh të Britanisë.
Piloti i Mercedes zhvilloi një performancë fenomenale, duke e prekur finishin me kohën 1:25:893. Pas tij u rendit shoku i skuadrës, Lewis Hamilton.
Britanikut i shpëtoi nga dora pole-position, teksa e preu finishin më 0.006 sekonda vonesë nga Bottas. Vendi i 3-të për Ferrarin e Charles Leclerc, ndërsa Vettel do niset nga vendi i 6-të, transmeton oranews.
Ky është pole-positioni i 10-të i finlandezit në Formula 1, i katërti në vitin 2019. Me një fitore në Silverstone të dielën, Bottas shkurton diferencat me shokun e tij të skuadrës, Hamilton që udhëheq klasifikimin.