Liridon Kalenderi ka pasur paraqitje fantastike në provat zyrtare para garës së nesërme që mbahet në Buzet të Kroacisë, e vlefshme për Kampionatin Evropian.
Kalenderi me veturën e tij Mitsubishi Evo 9, është renditur në pozitën e parë me kohën 02:44.322 minuta, duke lënë dukshëm pas vetes rivalët pretendentë për të fituar.
Kalenderi për 02.494 sekonda ishte më i shpejt se italiani Antonino Migliuolo, 03.490 se kroati Sdjepo Manenica dhe 04.496 sekonda në krahasim me sllovakun, Peter Ambruz.