F1 rikthehet në Imola 14 vite nga fitorja e Schumacher, garohet pa tifozë

Formula 1

F1 rikthehet në Imola 14 vite nga fitorja e Schumacher, garohet pa tifozë

Më: 30 tetor 2020 Në ora: 14:16
F1 rikthehet në Imola 14 vite nga fitorja e Schumacher, garohet pa tifozë

Ditën e diel do të zhvillohet gara e Çmimit të Madh të Imola në Formula 1, pistë e pozicionuar në Itali dhe ku zakonisht është zhvilluar gara e Çmimit të Madh të San Marinos. Njëvendëshet e Formula 1 rikthehen në këtë pistë pas 14 vitesh (hera e fundit është garuar në vitin 2006), kur për herë të fundit triumfonte një legjendë si Michael Schumacher.

Vështirë të parashikosh xhiron më të shpejtë, që sipas specialistëve pritet të jetë rreth 1’14”, pasi pista ka ndryshuar disi që nga hera e fundit që është garuar aty. Një pistë me 17 kthesa, me disa pjesë të vështira për pilotët, pasi duhet mjaft kujdes për të mos përfunduar jashtë saj.

Shumë nga pilotët e rinj nuk kanë garuar aty, ndaj për ta mbetet e panjohur. Një pistë që ka edhe kujtime të hidhura, siç është aksidenti që i mori jetën ikonës Ayrton Senna (1994).

Ndërkohë, është vendosur që gara të zhvillohet pa publik, për shkak se në Itali janë shtuar shumë rastet me Covid-19. Organizatorët shpresuan deri në fund që të lejojnë një sasi të limituar tifozësh, por pa sukses. Sidomos të zhgënjyer kanë mbetur tifozët e Ferrarit.

Shfaq komentet
comments powered by Disqus
Sot mund të lexoni Shfletoni kopertinat