Quartararo: Nuk doja që ta fitoja titullin në këtë mënyrë

Formula 1

Quartararo: Nuk doja që ta fitoja titullin në këtë mënyrë

Më: 26 tetor 2021 Në ora: 11:57
Quartararo: Nuk doja që ta fitoja titullin në këtë mënyrë

Piloti francez Fabio Quartararo, i shpallur ditën e diel në pistën e Misano kampion bote në MotoGP me motorin Yamaha, u shpreh se për të festa sapo ka nisur.

“Ende sot, pas dy ditësh, nuk më besohet që ia dola mbanë, të shpallem kampion.

Ndoshta pas disa ditësh do të më duhet të mësohem me këtë fakt. Kam dy ditë që festoj dhe mendoj se festa do të vazhdojë deri sa të përfundojë sezoni”, tha Quartararo.

“Nuk doja që ta fitoja titullin në këtë mënyrë, që rivali im rrëzohet dhe unë përfitoj nga ky fakt.

Gjithsesi, ky ishte vetëm një episod i një gare, ndërsa titulli fitohet përgjatë gjithë sezonit. Kam qarë aq shumë nga gëzimi, sa nuk kam më lot”, tha Quartararo, që korri titullin e parë në MotoGP..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat