Valon Jaha fiton në shtegun e preferuar

Formula 1

Valon Jaha fiton në shtegun e preferuar

Më: 17 prill 2022 Në ora: 23:23
Valon Jaha fiton në shtegun e preferuar

As çmimi i lartë i derivateve e as koha me shi nuk i ka penguar garuesit e disiplinës së auto sllallomit që në numër të madh të marrin pjesë në garën e parë për këtë vit, e cila të dielën e zhvillua në Ferizaj.

Valon Jaha i Prishtina RT me BMW e tiji ka shënuar fitore me kohë prej 03:10.118 minuta.

“Unë preferoj të garoj në shtigjet me shi dhe sot ishte kohë ideale për mua.

Konkurrenca ishte e fortë, pjesëmarrja ishte masive, organizimi shumë i mirë, prandaj lirisht mund të themi se në Ferizaj patëm një garë shumë të mirë. Sa i përket fitores, sigurisht që jam i kënaqur, por besoj se në garat e ardhshme do të arrij rezultate edhe më të mira”, ka thënë Jaha pas fitores në Ferizaj.

Në pozitën e dytë u rendit Belkin Fazliu i Prizreni D&G me Renault Megane RS. Fazliu në krahasim me fituesin u vonua vetëm për 00.373 të sekondës që dëshmon për rivalitetin e madh në garë.

I treti në plasmanin e përgjithshëm u rendit Jeton Qerimi me BMW. Anëtari i Prishtina RT pati kohë prej 03:13.634.

Në plasmanin ekipor e para u rendit Prishtina RT, para AK Ferizajt, AMTKK, AK Drenica e Eurogoma RT.

Plasmani i përgjithshëm:

1.Valon Jaha (BMW – Prishtina RT) 03:10.118 minuta

2.Belkin Fazliu (Renault – Prizreni D&G) 03:10.4491

3.Jeton Qerimi (BMW – Prishtina RT) 03:13.634

Plasmani ekipor:

1.Prishtina RT 60 pikë

2.AK Ferizaj 55

3.AMTKK 50

commentFirst article
Sot mund të lexoni Shfletoni kopertinat