Vettel i lumtur: Makina bënte gjithçka që unë dëshiroja - Bota Sot
Vettel i lumtur: Makina bënte gjithçka që unë dëshiroja

Formula 1

E hënë, 22 tetor 2018

Vettel i lumtur: Makina bënte gjithçka që unë dëshiroja

Më: 28 prill 2018 Në ora: 20:39
Sebastian Vettel

Sebastian Vettel ka bërë një paraqitje shumë të mirë sot në pistën e Baku, duke arritur për të tretë garë me radhë “pole position”. Piloti italian i Ferrarit do ta nisë garën nesër nga vija e parë e startit, ku në krah do të ketë rivalin kryesor Lewis Hamilton (Mercedes), në një garë që parashikohet mjaft e bukur. Vettel kërkon të lërë një pamje tjetër të fansat e këtij sporti në Azerbajxhan pas incidenteve që pati një vit më parë në këtë pistë.

“Makina sot funksiononte shkëlqyeshëm, bënte gjithçka që unë doja, ndaj jam shumë i lumtur për këtë rezultat. Në provën e dytë, me një pistë më të mirë, e dija që do të jepja një kohë më të shpejtë dhe ia dola mbanë”, tha Vettel, që kërkon të mos përsëritë në garë gabimet e garës së fundit, ku u rendit i teti edhe pse e nisi garën nga “pole”.

“Gara nesër do të jetë shumë e vështirë, pasi kam dy makina mercedes nga pas që do të bëjnë presion që në start, ndaj nuk do të jetë aspak e lehtë. E dimë që në këtë pistë të gjatë gjithçka mund të ndodhë dhe makinat e sigurisë mund të dalin disa herë në pistë. Jam ende pak i mërzitur për atë që ndodhi garën e fundit, ndaj duhet kujdes në çdo moment”, u shpreh Vettel.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test