F1, Red Bulli zyrtarizon pasuesin e Ricciardos - Bota Sot
F1, Red Bulli zyrtarizon pasuesin e Ricciardos

Formula 1

E premte, 19 tetor 2018

F1, Red Bulli zyrtarizon pasuesin e Ricciardos

Më: 20 gusht 2018 Në ora: 22:45
Pierre Gasly

Pas largimit të Daniel Ricciardos, skuderia austriake ka vendosur të vijojë të ndjekë linjën e viteve të fundit, atë të rritjes së talentëve në shtëpinë e saj.

Këtë të hënë, drejtuesit e skuderisë me seli në Milton Keynes të Britanisë zyrtarizuan afrimin e një piloti tejet të talentuar, si francezi Pierre Gasly, për t’ia bashkëngjitur si shok skuadre holandezit Max Verstappen sezonin e ardhshëm.

Piloti i lindur në vitin 1996 ka bindur me paraqitjet e tij në skuderinë satelite të Red Bullit, Toro Rosso. Aktualisht ai renditet në vendin e 13 për pilotë, me 26 pikë, e mes arritjeve që kanë spikatur këtë sezon është vendi i katërt në Bahrein.

“Të garoj për Aston Martin Red Bull Racing gjatë vitit 2019 është një ëndërr që do të bëhet realitet për mua. Jam kaq shumë i lumtur që do t’i bashkohem kësaj skuderie të madhe. Gjithmonë ka qenë objektiv për mua të garoj për Red Bullin, – është shprehur Gasly, – që kur kam ardhur për herë të parë në programin për pilotë të rinj te Red Bulli, në vitin 2013. Kjo është një mundësi e pabesueshme, e sigurisht edhe një hap para drejt ambicieve të mia për të fituar sa më shumë gara dhe për të pretenduar për titullin botëror”.

Sot mund të lexoni Shfletoni kopertinat
Sondazh
test